avaliación

Nos meus anos de experiencia como mestra de Infantil, a avaliación ten sido e será sen  dúbida o aspecto mais conflitivo (despois da burocracia). Calificar resultados escolares, e polo tanto encasillar crianzas e criterios de observación é sumamente difícil e implica un risco de academización da etapa. Por outro lado, a avaliación en sí parece que choca contra o meu criterio de respecto ás persoas e ao seu ritmo de desnvolvemento individual.  Pero non é menos certo que as mestras observamos ao noso alumnado cotexando o seu comportamento con determinadas ideas prefixadas sobre cómo agardamos que actúe un neno/a, de 3, 4 ou 5 anos. Ademáis,  as familias desexan e teñen dereito (orde do 5 de Maio de 1993) a coñecer as miñas impresións sobre a evolución dos seus fillos/as de xeito  sistematizado e formal.

De modo que , entendendo que hai que facer avaliación sistemática emprendo (unha vez máis) un esforzo de organización da información ao redor da pregunta: En qué aspectos  focalizo a miña atención sobre a actuación dunha crianza que me indiquen un desenvolvemento integral sano e unha preparación acaída cara a próxima etapa escolar? Son aspectos moi similares os que centran a tención das mamás epapás, pois a mestra de infantil e unha pseudomamá, unha adulta  que vela profesionalemente polo benestar integral (físico, mental e emocional) da crianzas e  docemente puxa polo súa maduración a través de relacións humanas, materiais, agrupacións de crianzas, propostas de xogo etc, monitoreando a súa actividade durante o tempo de escola e preparando as crianzas para a etapa escolar propiamente dita.

E trato de clasificar criterios dificilmente encasillables, pero faise un esforzo de síntese e clasificación  e podo aventurar que os aspectosmais importantes onde eu poño o foco nunha crianza son aqueles que teñen que ver co seu desenvolvemento persoal :

Autoconcepto e autoconfianza, cómo se ve a si mesmo,se se sinte capaz e competente

Autonomía, cómo resolve as súas necesidades diarias (roupa, baño hixiene….) ou problemas que lle poidan acontecer (a billa non abre,a  gaveta non abre, o tupper non abre, non son quen depelar o plátano, o rotu non pinta…), e se pide axuda cando a precisa e cómo o fai.

Responsablidade (asunción de normas, recoller o material, seguir as indicacións da mestra…)

Regulación dos impulsos e as emocions, tolerancia ás frustracións….

Capacidade de esforzo

Iniciativa e emprendemento

Convivencia e relación coas compañeiras. Asertividade ecolaboración, non dominación nen submisión

Tamén focalizo a miña atención noutros planos da maduración xeral

Comprensión do espazo-tempo

Mantemento  da atención

Comprensión das relacións persoais (familiares)

Coidado dos seres vivos e a naturerza

Organización das propias actividades

Capacidade de relaxación

Esboza a figura humana

E especificamenteno aspecto do desenvolvemento da linguaxe

Fala con fluidez? Constrúe frases progresivamente mais complexas? Pronuncia ben? Contesta cando se lle fala?, presenta un discurso coherente? Emprega fórmulas convencionais de cortesía? Sabe escoitar?

…e o da expresión corporal

Presenta coordinación de movementos? Gusta dos xogos de movemento? Asume riscos físicos? É prudente ou intrépido,ou aloucado nos seus xogos físicos?

En aspectos mais cercanos ao académico observamos

No eido da psicomotricidade fina

Como agarra o rotu? Prension e presión, domina o trazo? Recorta? Usa o punzon correctamente? Abotóase? Cose?

A psicomotricidade fina se concreta na expresión escrita xa avanzada a etapa infantil

escribe o seu nome? Escribe máis palabras? Escribe as letras con trazo decidido e limpo? Fai hipóteses silábicas ou alfabéticas? Ten unha postura axeitada ao escribir ou debuxar?

En crianzas cun gran desenvolvemento lectoescritor podemos observar se fai hipóteses lectoras

No eido da lóxica matemática observamos

Xoga a oca? (conteo, quendas), Fai estimacións numéricas? Conta cousas?

Fai series? Clasifica? Ordea elementos atendendo a un criterio? Discrimina formas? Comprende undiagrama de dobre entrada?

…e ao respecto da expresión plástica, qué observamos?

Gusta de facer creacións plásticas? No uso do pincel ocupa todo o espazo gráfico? Gusta deusar cores?

….ao respecto da expresión musical…

Gusta de participar en actividdades que implican o canto ou o movemento rítmico?

Esta parrilla de observacións e unha proposta viva e cambiante e servirá de guía de avaliaciónpara o vindeiro ano, así nos reuniremos ao redor deste documento coincidindo cos finais de trimestre. Ate entón saúde e sorte! Karina

Maio 2018