despedidas

Despedimonos Moura, agradecendo ás familias a confianza de deixar o mais prezado nas miñas mans, ás crianzas a alegría e o amor entregado a chorros, e a ti, Moura, o alento e a inspiración constantes  para traer cada día novas aventuras ás nosas vidas, aventuras que nos ciñen máxicamente á terra e á comunidade que nos acollerá no noso paso polo mundo.

Penso que se acompañou o desenvolvemento emocional  físico e intelectual do grupo de crianzas baixo os criterios de respecto e confianza que guían o proxecto, con todos os fallos que un humano pode ter. Penso tamèn que a relación coas familias foi de colaboración e respecto en xeral e agradezo o apoio ao proxecto. Non é menos certo que algunhas familias non toparon no Centro o proxecto esperado, e que o centro non topou nalgunhas familias o apoio necesario para facilitar a labor, moi gratificante, claro que sí, pero dificil e cansada, de asistir á vivencia escolar con criterios de excelencia. Isto acontece todos os anos, non todas
as persoas que conforman un grupo vivencian a experiencia do mesmo xeito. Este ano resultou especialmente cansado, diferentes formas de entender conceptos como o de respecto hacia as crianzas, compromiso  e  liberdade dan lugar a desencontros que fan mais dificil o camiño para todas.

Inda así o camiño segue e o camiñar tamén, con leccións aprendidads para todos e resolucións para o que vai quedando por andar.

O vindeiro curso retomaremos a marabillosa labor con forzas renovadas e,como cada ano, intentaremos , ser mellores profesoras e mellores persoas, . As crianzas non merecen menos. Feliz Feliz verán a todas!