qué debe facer a escola infantil polas crianzas?

En medio do caos, a confusión, a apatía e a desesperanza, hai un espazo cheo de luz en Taboexa, ali unha manchea de pícaras transitan polo tempo escolar coa alegría que lles é natural. Como non pode ser doutro xeito achéganse canto queren
aos seus compañeiros (evoco a imaxe dos cachorros de león a brincar rodando polo monte abaixo) e comparten material e xogos. Así, a través da relación co medio -e isto abrangue cousas e persoas-  e impulsadas pola súa programación innata, coa ferramenta mental e corporal da que foron dotados,  é como constrúen a súa sique e o seu mundo físico, emocional e cognitivo. Non hai atallos.  Veñen á escola nomeadamente para iso, para socializar, para aprender a integrarse
no grupo de iguais e sentirse parte del, para dar resposta ás súas inquedanzas intelectuais en grupo. Para coñecerse, comprenderse e aprender a valerse por sí mesmos ante os desafíos, tanto físicos como intelectuais ou sociais. E isto faise en grupo, na relación co outro é que se produce o avance. Para sentirse capaces e competentes. Para selo

A mestra deseña tempos, espacios, materiais e actividades que responden ás necesidades infantís, e está presente e dispoñible para por recursos, axuda, confianza e agarimo, e tamén límites onde sexa preciso.

A mestra asegura que a crianza se sente segura, querida e aceptada e topa desafíos acaídos para a súa persoa. 

A mestra asegura que a crianza cubre as súas necesidades vitais de xogo, movemento e expansión.

É o que ten que facer a mestra de infantil, para iso cobra o salario. para defender os dereitos e o benestar integral do seu alumnado. Para iso quixo ser mestra, por amor e admiración hacia a infancia. Para outras cousas que non conten con ela. 

https://elpais.com/mamas-papas/2020-11-06/mas-alla-de-un-contagio-estas-son-las-dificultades-que-enfrentan-los-ninos-en-el-aula-en-tiempos-de-pandemia.html