Se David poidera ler a etiqueta sabería que esa maleta foi do seu avó e andivo por paises exóticos e afastados da terriña, pero non pode, aínda non lle chegou o tempo de xuntar as letras. O seu avó tampouco pode ler, a él, en troques, o tempo rematoulle cedo de máis, non lle deu nen para coñecer ao neto.
David non o sabe pero mentres el xoga a viaxar quen sabe onde, eu ollo para él e véñenme todos estes pensamentos á cabeza (pero qué sentimental!) e imaxino ao avó entre as nubes mirando para o netiño a arrastrar a maleta e a pensar o guapiño que saíu, se cadra véñenlle á cabeza lembranzas da súa nenez na aldea dos anos 50, sen escola, pensará qué sorte teñen estes meniños de poder ir á escola sen saber a falta que estes meniños teñen de liberdade, campo e animais, pensará moitos pensamentos e de seguro pensará e desexará que se algunha vez o meniño colle unha maleta para viaxar de verdade,que sexa por gusto e non por necesidade.
Diredes que perdo o tempo a pensar estas parvadas pero estou segura que algo do avó ten a maleta que agarra a man do meniño e penso, e dalle con tanto pensar, qué sorte teño eu de poder ser parte desta historia entrañabel!
A bágoa rondando con este texto maravilloso. Meu fillo e meu pai unidos por unha maleta. Eres moi grande Karina. Gracias!!!
ResponderEliminarA bágoa rondando con este texto maravilloso. Meu fillo e meu pai unidos por unha maleta. Eres moi grande Karina. Gracias!!!
ResponderEliminar